ਦੁਬਈ: ਸ਼ਹਿਰ ਵਿੱਚ ਈ-ਸਕੂਟਰ ਅਤੇ ਸਾਈਕਲ ਦੀ ਵੱਧ ਰਹੀ ਵਰਤੋਂ ਨੂੰ ਵੇਖਦੇ ਹੋਏ Dubai Police ਨੇ ਨਵੀਂ Police unit ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ। ਇਹ ਯੂਨਿਟ 1 ਮਈ ਤੋਂ ਕੰਮ ਸ਼ੁਰੂ ਕਰੇਗੀ ਅਤੇ ਸੜਕਾਂ ‘ਤੇ ਨਿਯਮਾਂ ਦੀ ਪਾਲਣਾ ਕਰਵਾਏਗੀ। ਇਹ ਕਦਮ Roads and Transport Authority (RTA) ਦੇ ਸਾਂਝੇ ਉਪਰਾਲੇ ਨਾਲ ਲਿਆ ਗਿਆ ਹੈ, ਜਿਸਦਾ ਮਕਸਦ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਬਣਾਉਣਾ ਹੈ।
ਇਹ Police unit ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਸਰਗਰਮ ਰਹੇਗੀ, ਜਿਸ ਵਿੱਚ ਸਾਈਕਲ ਟਰੈਕ, ਮੁੱਖ ਸੜਕਾਂ ਅਤੇ ਉਹ ਜਗ੍ਹਾਂ ਸ਼ਾਮਲ ਹਨ ਜਿੱਥੇ ਈ-ਸਕੂਟਰ ਅਤੇ ਸਾਈਕਲ ਚਲਾਉਣ ਦੀ ਆਗਿਆ ਹੈ। ਟੀਮ ਇਹ ਵੀ ਦੇਖੇਗੀ ਕਿ ਲੋਕ ਨਿਯਮਾਂ ਦੀ ਪਾਲਣਾ ਕਰ ਰਹੇ ਹਨ ਜਾਂ ਨਹੀਂ।
ਨਿਗਰਾਨੀ ਦੌਰਾਨ ਖ਼ਾਸ ਤੌਰ ‘ਤੇ ਉਹਨਾਂ ਮਾਮਲਿਆਂ ‘ਤੇ ਧਿਆਨ ਦਿੱਤਾ ਜਾਵੇਗਾ ਜਿੱਥੇ ਸੁਰੱਖਿਆ ਨਿਯਮਾਂ ਦੀ ਉਲੰਘਣਾ ਹੁੰਦੀ ਹੈ। ਜਿਵੇਂ ਕਿ ਹੈਲਮੈਟ ਨਾ ਪਹਿਨਣਾ, ਓਵਰਸਪੀਡ , ਗਲਤ ਲੇਨ ਵਿੱਚ ਗੱਡੀ ਚਲਾਣਾ ਜਾਂ ਇੱਕ ਸਕੂਟਰ ‘ਤੇ ਇੱਕ ਤੋਂ ਵੱਧ ਵਿਅਕਤੀ ਬੈਠਣਾ। ਅਜਿਹੇ ਮਾਮਲਿਆਂ ਵਿੱਚ ਤੁਰੰਤ ਕਾਰਵਾਈ ਕੀਤੀ ਜਾਵੇਗੀ।
ਜੇ ਕੋਈ ਵਿਅਕਤੀ ਨਿਯਮ ਤੋੜਦਾ ਮਿਲਦਾ ਹੈ, ਤਾਂ ਉਸ ‘ਤੇ ਜੁਰਮਾਨਾ ਲੱਗ ਸਕਦਾ ਹੈ ਅਤੇ ਵਾਹਨ ਵੀ ਜ਼ਬਤ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਲੋਕਾਂ ਵਿੱਚ ਨਿਯਮਾਂ ਦੀ ਪਾਲਣਾ ਕਰਨ ਦੀ ਜ਼ਿੰਮੇਵਾਰੀ ਵਧੇਗੀ।
ਅਧਿਕਾਰੀਆਂ ਮੁਤਾਬਿਕ, ਇਹ ਕਦਮ ਇਸ ਲਈ ਲਿਆ ਗਿਆ ਹੈ ਕਿਉਂਕਿ ਪਿਛਲੇ ਸਮੇਂ ਵਿੱਚ ਈ-ਸਕੂਟਰ ਅਤੇ ਸਾਈਕਲ ਦੀ ਵਰਤੋਂ ਕਾਫ਼ੀ ਵਧੀ ਹੈ, ਜਿਸ ਨਾਲ ਹਾਦਸਿਆਂ ਦੇ ਮਾਮਲੇ ਵੀ ਸਾਹਮਣੇ ਆਏ ਹਨ। ਇਸ ਲਈ ਸੜਕਾਂ ਨੂੰ ਹੋਰ ਸੁਰੱਖਿਅਤ ਬਣਾਉਣ ਲਈ ਇਹ ਯੂਨਿਟ ਲਾਜ਼ਮੀ ਮੰਨੀ ਜਾ ਰਹੀ ਹੈ।
ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਇਸ ਯੂਨਿਟ ਦਾ ਮਕਸਦ ਸਿਰਫ਼ ਜੁਰਮਾਨੇ ਲਗਾਉਣਾ ਨਹੀਂ, ਸਗੋਂ ਲੋਕਾਂ ਵਿੱਚ ਟਰੈਫਿਕ ਨਿਯਮਾਂ ਬਾਰੇ ਜਾਗਰੂਕਤਾ ਵਧਾਉਣਾ ਹੈ। 1 ਮਈ ਤੋਂ ਇਹ ਯੂਨਿਟ ਪੂਰੀ ਤਰ੍ਹਾਂ ਕੰਮ ਕਰਨਾ ਸ਼ੁਰੂ ਕਰ ਦੇਵੇਗੀ ਅਤੇ ਲਗਾਤਾਰ ਨਿਗਰਾਨੀ ਜਾਰੀ ਰਹੇਗੀ।
ਇਸ ਨਾਲ ਉਮੀਦ ਹੈ ਕਿ ਦੁਬਈ ਵਿੱਚ ਟਰੈਫਿਕ ਅਨੁਸ਼ਾਸਨ ਹੋਰ ਬਿਹਤਰ ਹੋਵੇਗਾ ਅਤੇ ਹਾਦਸਿਆਂ ਵਿੱਚ ਵੀ ਕਮੀ ਆਵੇਗੀ।
